2016 جىلعى 8 قىركۇيەك, استانا, ۇكىمەت ءۇيى
اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ قاعيدالارى مەن ولشەمشارتتارىن بەكىتۋ تۋرالى
«اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭى 6-بابىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان:
1) اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ قاعيدالارى;
2) اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ ولشەمشارتتارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ 2016 جىلعى 8 قىركۇيەكتەگى
№529 قاۋلىسىمەن بەكىتىلگەن
اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ قاعيدالارى
1. جالپى ەرەجەلەر
1. وسى اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە
اتقىزۋ قاعيدالارى (بۇدان ءارى - قاعيدالار) «اقپاراتتاندىرۋ تۋرالى» 15 جىلعى 24 قاراشاداعى قازاقستان رەسپۋبليكاسىنىڭ زاڭى 6-بابىنىڭ تارماقشاسىنا سايكەس ازىرلەندى جانە اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اقپاراتتاندىرۋ سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) – اقپاراتتاندىرۋ جانە «ەلەكتروندىق ۇكىمەت» سالاسىندا باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
2) اقپاراتتىق-كوممۋنيكاتسيالىق ينفراقۇرىلىم وبەكتىلەرى – اقپاراتتىق جۇيەلەر, تەحنولوگيالىق پلاتفورمالار, اپپاراتتىق-باعدارلامالىق شەندەر, تەلەكوممۋنيكاتسيالار جەلىلەرى, سونداي-اق تەحنيكالىق قۇرالداردىڭ ۇزدىكسىز جۇمىس ىستەۋىن جانە اقپاراتتىق قاۋىپسىزدىكتى قامتاماسىز ەتۋ جۇيەلەرى;
3) اقپاراتتىق-كوممۋنيكاتسيالىق ينفراقۇرىلىم – ەلەكتروندىق اقپاراتتىق رەسۋرستاردى قالىپتاستىرۋ جانە ولارعا قولجەتىمدىلىكتى ۇسىنۋ ماقساتىندا تەحنولوگيالىق ورتانىڭ جۇمىس ىستەۋىن قامتاماسىز ەتۋگە ارنالعان اقپاراتتىق-كوممۋنيكاتسيالىق ينفراقۇرىلىم وبەكتىلەرىنىڭ جيىنتىعى;
4) اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرى – جۇمىس ىستەۋىنىڭ بۇزىلۋى نەمەسە توقتاۋى الەۋمەتتىك جانە (نەمەسە) تەحنوگەندىك سيپاتتاعى توتەنشە جاعدايعا نەمەسە قازاقستان رەسپۋبليكاسىنىڭ قورعانىسى, قاۋىپسىزدىگى, حالىقارالىق قاتىناستارى, ەكونوميكاسى, جەكەلەگەن شارۋاشىلىق سالالارى, ينفراقۇرىلىمى ءۇشىن نەمەسە ءتيىستى اۋماقتا تۇراتىن حالىقتىڭ تىنىس-تىرشىلىگى ءۇشىن ايتارلىقتاي تەرىس سالدارلارعا اكەپ سوعاتىن اقپاراتتىق-كوممۋنيكاتسيالىق ينفراقۇرىلىمنىڭ, ونىڭ ىشىندە «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق ينفراقۇرىلىمىنىڭ وبەكتىلەرى.
2. اقپاراتتىق-كوممۋنيكاتسيالىق ينفراقۇرىلىم وبەكتىلەرىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ ءتارتىبى
3. اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزۋ ولشەمشارتتارىنىڭ (بۇدان ءارى – ولشەمشارتتار) كەمىندە بىرەۋىنە سايكەس كەلگەن كەزدە اقپاراتتىق-كوممۋنيكاتسيالىق ينفراقۇرىلىم وبەكتىلەرى اسا ماڭىزدىلارعا جاتقىزىلادى جانە قازاقستان رەسپۋبليكاسىنىڭ ۇكىمەتى بەكىتەتىن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنىڭ تىزبەسىنە (بۇدان ءارى – تىزبە) ەنگىزىلۋى ءتيىس.
4. ۋاكىلەتتى ورگان ورتالىق مەملەكەتتىك جانە جەرگىلىكتى اتقارۋشى ورگاندارعا, ستراتەگيالىق وبەكتىلەردىڭ, اسا ماڭىزدى مەملەكەتتىك وبەكتىلەردىڭ, ستراتەگيالىق ماڭىزى بار ەكونوميكا سالالارى وبەكتىلەرىنىڭ يەلەرىنە (يەلەنۋشىلەرىنە) جىل سايىن 1 اقپاننان كەشىكتىرمەي ولشەمشارتتاردىڭ كەمىندە بىرەۋىنە سايكەس كەلەتىن بار اقپاراتتىق-كوممۋنيكاتسيالىق ينفراقۇرىلىم وبەكتىلەرى بويىنشا سۇراتۋ (بۇدان ءارى – سۇراتۋ) جولدايدى.
5. ورتالىق مەملەكەتتىك جانە جەرگىلىكتى اتقارۋشى ورگاندار, ستراتەگيالىق وبەكتىلەردىڭ, اسا ماڭىزدى مەملەكەتتىك وبەكتىلەردىڭ, ستراتەگيالىق ماڭىزى بار ەكونوميكا سالالارى وبەكتىلەرىنىڭ يەلەرى (يەلەنۋشىلەرى) سۇراتۋ نەگىزىندە اقپاراتتىق-كوممۋنيكاتسيالىق ينفراقۇرىلىم وبەكتىلەرىن تىزبەگە ەنگىزۋ ءۇشىن ۇسىنىستاردى وسىنداي سايكەستىكتى نەگىزدەيتىن مالىمەتتەر مەن قۇجاتتاردى قوسا بەرە وتىرىپ, جىل سايىن 1 ناۋرىزدان كەشىكتىرمەي ۋاكىلەتتى ورگاننىڭ قاراۋىنا ەنگىزەدى.
6. ۋاكىلەتتى ورگان ورتالىق مەملەكەتتىك جانە جەرگىلىكتى اتقارۋشى ورگاندار, ستراتەگيالىق وبەكتىلەر, اسا ماڭىزدى مەملەكەتتىك وبەكتىلەر, ستراتەگيالىق ماڭىزى بار ەكونوميكا سالالارى وبەكتىلەرى يەلەرىنىڭ (يەلەنۋشىلەرىنىڭ) ۇسىنىستارىن قاراۋ جانە تالداۋ ءۇشىن اقپاراتتاندىرۋ سالاسىنداعى مامانداردان جانە قوعامدىق بىرلەستىكتەر وكىلدەرىنەن كوميسسيا (بۇدان ءارى – كوميسسيا) قۇرادى.
7. كوميسسيا ۇسىنىلعان ۇسىنىستاردى, قۇجاتتار مەن مالىمەتتەردى قاراپ, مىنا شەشىمدەردىڭ ءبىرىن قابىلدايدى:
1) اقپاراتتىق-كوممۋنيكاتسيالىق ينفراقۇرىلىم وبەكتىسىن تىزبەگە ەنگىزۋ تۋرالى;
2) اقپاراتتىق-كوممۋنيكاتسيالىق ينفراقۇرىلىم وبەكتىسىن تىزبەگە ەنگىزۋ تۋرالى ءوتىنىمدى قابىلداماۋ تۋرالى.
8. كوميسسيانىڭ شەشىمى مىناداي مالىمەتتەردى قامتۋعا ءتيىس حاتتامامەن رەسىمدەلەدى:
1) وتىرىستىڭ وتكىزىلەتىن كۇنى مەن ورنى;
2) كوميسسيانىڭ قۇرامى;
3) قارالعان وتىنىمدەردىڭ سانى;
4) بەلگىلەنگەن ولشەمشارتتارعا سايكەستىگىن نە سايكەسسىزدىگىن نەگىزدەۋمەن ءاربىر اقپاراتتىق-كوممۋنيكاتسيالىق ينفراقۇرىلىم وبەكتىسى بويىنشا كوميسسيانىڭ شەشىمى.
9. اقپاراتتىق-كوممۋنيكاتسيالىق ينفراقۇرىلىم وبەكتىسىن تىزبەگە ەنگىزۋ تۋرالى ءوتىنىش كەرى قايتارىلعان جاعدايدا ۋاكىلەتتى ورگان شەشىم قابىلدانعان كەزدەن باستاپ ون جۇمىس كۇنىنەن كەشىكتىرمەي ءتيىستى ورتالىق مەملەكەتتىك جانە جەرگىلىكتى اتقارۋشى ورگانعا, ستراتەگيالىق وبەكتىلەردىڭ, اسا ماڭىزدى مەملەكەتتىك وبەكتىلەردىڭ, ستراتەگيالىق ماڭىزى بار ەكونوميكا سالالارى وبەكتىلەرىنىڭ يەسىنە (يەلەنۋشىسىنە) باس تارتۋ سەبەبىن كورسەتىپ, حابارلاما جولدايدى.
10. ۋاكىلەتتى ورگان كوميسسيا حاتتاماسىنىڭ نەگىزىندە تىزبەنى ازىرلەيدى جانە جىل سايىن, 1 شىلدەدەن كەشىكتىرمەي زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە بەكىتۋگە ەنگىزەدى. تىزبەگە كوميسسيانىڭ حاتتاماسى جانە ورتالىق مەملەكەتتىك جانە جەرگىلىكتى اتقارۋشى ورگانداردىڭ, ستراتەگيالىق وبەكتىلەر, اسا ماڭىزدى مەملەكەتتىك وبەكتىلەر, ستراتەگيالىق ماڭىزى بار ەكونوميكا سالالارىنىڭ وبەكتىلەرى يەلەرىنىڭ (يەلەنۋشىلەرىنىڭ) ونىمدەرى قوسا بەرىلەدى.
11. تىزبەنى وزەكتىلەندىرۋدى اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىسىن وندىرىستىك پايدالانۋدىڭ توقتاتىلۋىنا نەمەسە ولشەمشارتتارعا سايكەسسىزدىكتىڭ نەمەسە ولشەمشارتتاردىڭ كەمىندە بىرەۋىنە سايكەس كەلەتىن اقپاراتتىق- كوممۋنيكاتسيالىق ينفراقۇرىلىمنىڭ جاڭا وبەكتىسىنىڭ انىقتالۋىنا الىپ كەلگەن اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىسىنىڭ فۋنكتسيونالدىق ماقساتىنىڭ وزگەرۋىنە بايلانىستى ورتالىق مەملەكەتتىك جانە جەرگىلىكتى اتقارۋشى ورگانداردىڭ, ستراتەگيالىق وبەكتىلەر, اسا ماڭىزدى مەملەكەتتىك وبەكتىلەر, ستراتەگيالىق ماڭىزى بار ەكونوميكا سالالارى وبەكتىلەرى يەلەرىنىڭ (يەلەنۋشىلەرىنىڭ) ۇسىنىستارى نەگىزىندە جىل سايىن ۋاكىلەتتى ورگان جۇزەگە اسىرادى.
ۋاكىلەتتى ورگان ورتالىق مەملەكەتتىك جانە جەرگىلىكتى اتقارۋشى ورگاننىڭ, ستراتەگيالىق وبەكتىلەر, اسا ماڭىزدى مەملەكەتتىك وبەكتىلەر, ستراتەگيالىق ماڭىزى بار ەكونوميكا سالالارىنىڭ وبەكتىلەرى يەلەرىنىڭ (يەلەنۋشىلەرىنىڭ) ۇسىنىستارىن وسى قاعيدالاردىڭ 6-10-تارماقتارىندا كوزدەلگەن تارتىپپەن قارايدى.
12. تىزبەگە وزگەرىستەر جانە (نەمەسە) تولىقتىرۋلار قاجەت بولعان جاعدايدا وسى قاعيدالاردا جانە زاڭنامادا بەلگىلەنگەن تارتىپپەن ەنگىزىلەدى.
قازاقستان رەسپۋبليكاسى ۇكىمەتىنىڭ 2016 جىلعى 8 قىركۇيەكتەگى
№529 قاۋلىسىمەن بەكىتىلگەن
اقپاراتتىق-كوممۋنيكاتسيالىق ينفراقۇرىلىم وبەكتىلەرىن
اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى
وبەكتىلەرىنە جاتقىزۋ ولشەمشارتتارى
1. اقپاراتتىق-كوممۋنيكاتسيالىق ينفراقۇرىلىم وبەكتىسىنىڭ اسا ماڭىزدى مەملەكەتتىك وبەكتىنىڭ ۇزدىكسىز پايدالانىلۋىنا ىقپالى, ونىڭ جۇمىس ىستەۋى بۇزىلعان كەزدە اسا ماڭىزدى مەملەكەتتىك وبەكتىنىڭ قىزمەتى توقتاتىلاتىن بولادى.
2. اقپاراتتىق-كوممۋنيكاتسيالىق ينفراقۇرىلىم وبەكتىسىنىڭ ستراتەگيالىق وبەكتىلەردىڭ ۇزدىكسىز جانە قاۋىپسىز پايدالانىلۋىنا ىقپالى, ونىڭ جۇمىس ىستەۋى بۇزىلعان كەزدە ستراتەگيالىق وبەكتىنىڭ قىزمەتى توقتاتىلاتىن بولادى نە تەحنوگەندىك سيپاتتاعى توتەنشە جاعداي قاۋپى تۋىندايدى.
3. اقپاراتتىق-كوممۋنيكاتسيالىق ينفراقۇرىلىم وبەكتىسىنىڭ ستراتەگيالىق ماڭىزى بار ەكونوميكا سالالارى وبەكتىلەرىنىڭ ۇزدىكسىز جانە قاۋىپسىز پايدالانىلۋىنا ىقپالى, ونىڭ جۇمىس ىستەۋى بۇزىلعان كەزدە ستراتەگيالىق ماڭىزى بار ەكونوميكا سالالارى وبەكتىسىنىڭ قىزمەتى توقتاتىلاتىن بولادى نە تەحنوگەندىك سيپاتتاعى توتەنشە جاعداي قاۋپى تۋىندايدى.